Усик жамоаси Паркерга қарши жангни кечиктиришни сўради

"Профессионал фаолияти давомида Александр Усик ҳам, жамоамиз ҳам барча эҳтимолий рақибларни ва профессионал бокс қоидаларини ҳурмат қилишини амалда кўрсатди.

Сўнгги бир ярим йил ичида Усик тарихий натижага эришди — икки марта супероғир вазн тоифасида мутлақ чемпионликни қўлга киритди. Бу катта жисмоний ва маънавий куч сарфлашни, катта қурбонликларни талаб қилди.

Чемпион узоқ ва оғир машғулот тартиби ҳамда ташқи томондан кўринмайдиган жароҳатлардан кейин ўз организмини тиклашга, оиласи билан вақт ўтказиб, шунчаки ҳордиқ чиқаришга ҳақли. Ва энг асосийси: у ўз келажагини, қарор қабул қилиш вақти ва йўналишини мустақил танлаш ҳуқуқига эга", — дея Усик жамоаси директори Сергей Лапин.