26 сен 09:17
Янгиликлар
Бокс/ММА
Усик Жошуанинг Дюбуа билан жангдаги асосий хатосини айтди
Украиналик профессионал боксчи, супероғир вазн тоифасида жаҳон чемпиони Александр Усик британиялик Энтони Жошуанинг ҳамюрти Даниэль Дюбуа билан жанги ҳақида гапирди.
22 сентябрь куни Лондонда бўлиб ўтган жангда Дюбуа Жошуани 5-раундда нокаутга учратиб, IBF чемпионлик камарини қўлга киритганди.
"Даниэль рингга чиққанида унинг иштиёқини ва диққатини жамлаганини кўриш мумкин эди. Энтонида ҳам шундай эди, аммо Жошуанинг жангда ҳаракатланиш усули жуда хавфли эди. У ортга қадам ташлаш ўрнига орқага суяниб зарбалардан қочди ва қўлларини пастга туширди. Бу бокс, қолаверса оғир вазн тоифаси — битта зарба ва ҳаммаси тугади", деди Усик.
Александрнинг ўзи 21 декабрь куни британиялик Тайсон Фьюрига қарши иккинчи жангини ўтказади. Жанг Ар-Риёд (Саудия Арабистони) шаҳрида ташкил этилади.
Ҳавола :
Манба : primesport
Фикрлар