Усик Жошуанинг "фуқаролар уруши" ҳақидаги танқидларга жавоб берди

Усик бу сўзларга эътибор бермаслигини, чунки Жошуа уларни мағлуб бўлгани учун айтганини таъкидлади. 

Аввалроқ, Энтони Усикдан уруш туфайли Украинани тарк этган оиласи ҳақида гапирган эди.

"Жошуа буни мағлуб бўлгани учун айтган. Балки у бироз бошқача гапиргандир. Биз уни Саудия Арабистонида кўрганимизда у мендан оилам ҳақида сўради", — деди Усик матбуот анжуманида.

Усик ғалаба қозонганидан кейин Жошуа билан мулоқот қилмаганини айтди.

"Мен у билан гаплашмадим. Унинг жангдан кейинги эмоцияларига эътибор бериш керак эмас. Энтони матбуот анжуманида ҳаммасини айтди. Ҳозир юртимиздаги ички вазият яхши бўлиши биз учун муҳим. Бир-бирингизга ёрдам беринг ва ғалаба йўлида бирлашинг! Бошқаларнинг сўзларига эътибор қилиш керак эмас", — дея қўшимча қилди Усик.