12 дек 13:48
Янгиликлар

Бокс/ММА, Қизиқарли!

Усик, Мудрик, Путин — 2023 йилда украинлар томонидан Google`да энг кўп "қидирув"га берилганлар. Биринчи ўринда самарқандлик вазир!

Энг катта қидирув платформаларидан бири Google тармоқнинг украиналик фойдаланувчилари учун 2023 йилги якуний рейтингни ошкор қилди.

Унга кўра, супероғир вазн тоифасида WBA, WBO, IBO ва IBF йўналишлари чемпиони Александр Усик (21-0, 14 КО) ҳамда "Челси" вингери Михаил Мудрик энг кўп қидирилганлар Топ-10`талигидан жой олди. Усик ушбу рейтингнинг 4, Мудрик эса 6-поғонасидан жой олди.

Рейтингда биринчи ўринни Украина Мудофаа вазири Рустем Умеров эгаллаган. Қизиғи, Умеров Самарқанд вилоятининг Булунғур туманида дунёга келган. Шунингдек, Россия президенти Владимир Путин ҳам Топ-10`талик рўйхатдан ўрин олган. Путин рейтингнинг 5-поғонасини эгаллаб турибди.

Эслатиб ўтамиз, яқиндагина Тошкентда меҳмон бўлган Александр Усик 17 февраль куни Саудия Арабистони пойтахти Ар-Риёд шаҳрида британиялик Тайсон Фьюрига қарши бирлаштирувчи чемпионлик жангида рингга кўтарилади.