Усик Украинага қайтди: «Мен қочиб кетмадим!»

Александр Усик (19-0, 13 КО) маҳаллий оммавий ахборот воситаларининг танқидларига муносабат билдирди - улар Виталий ва Владимир Кличколарга эргашиб, Россия агрессиясига қарши ўз ватандошларига далда берувчи сўзлар билан мурожаат қилишини кутишган.

Аммо Усик банд эди – у Буюк Британияда хизмат сафарида бўлиб, маҳаллий ОАВ билан суҳбатда эди. Кеча чемпион Украинага қайтиб келди ва дарҳол ватандошларига мурожаат қилди: 

“Қадрли Украина. Ҳурматли украиналиклар. Кўплаб оммавий ахборот воситалари менинг қочиб кетганимни ёзишди. Йўқ. Ишга кетдим, қайтиб келдим. Мен уйдаман. Дўстлар, биз бирлашишимиз керак. Чунки ҳозир жуда қийин давр. Мен ҳис-туйғуларга тўлиб-тошганман. Мен ўз юртим, халқимиз учун жуда хавотирдаман. Дўстлар, биз бу урушни тўхтатишимиз шарт. Ва биз буни биргаликда қилишимиз керак", - деди Усик видеомурожаатида.