30 ноя 12:15
Янгиликлар

Бокс/ММА

Усик ва Фьюри реванш жанги учун рекорд даражада гонорар олади

Супероғир вазн тоифасида учта асосий йўналиш чемпиони Александр Усик ҳамда собиқ чемпион Тайсон Фьюрининг реванш жанги учун гонорарлари расман тасдиқланди.

Боксчилар 21 декабрь куни Саудия Арабистони пойтахти Ар-Риёд шаҳрида ўтказиладиган реванш жанги учун рекорд даражада гонорар олишади. Жангнинг умумий мукофот жамғармаси 190 миллион долларни ташкил қилади. Украиналик жаҳон чемпиони ушбу сумманинг 60%, британиялик эса 40% миқдорига эга чиқади. Яъни, Усик 114, Фьюри эса 76 миллион АҚШ долларини қўлга киритади.

Бу фақат боксчиларнинг кафолатланган гонорари ҳисобланади. Ҳали пуллик трансляциялардан тегадиган улуш ҳам бор. Шу йилнинг май ойида ўтказилган илк жангда Александр Усик очколар ҳисобига кўра ғалаба қозониб, сўнгги чорак асрда супероғир вазг тоифасида WBA, IBF, WBO, IBO ва WBC камарларини ўз қўлида бирлаштирган илк мутлақ жаҳон чемпионига айланган эди.