01 июн 11:59
Янгиликлар
Усикка қарши реваншга Жошуани ким тайёрлаши маълум
Бу ҳақда ESPN нашри ўз манбасига таяниб хабар бермоқда.
Жошуа — Усик реванш жанги 23 июль куни, Саудия Арабистонида ўтказилиши режалаштирилган, бироқ жанг ҳали расман эълон қилинганича йўқ.
Жошуа ўтган йили сентябрь ойида Усикка очколар ҳисоби бўйича мағлуб бўлиб, ўз камарларидан мосуво бўлганди. Ўтган йили у АҚШга, Вержил Хантер, Эдди Рейносо, Ронни Шилдс ва Роберт Гарсияларнинг машғулотлар залига борди. Ва якунда Калифорнияда истиқомат қилувчи мураббий — Роберт Гарсия номзодига тўхталди. Роберт Жошуа билан машғулотларни Буюк Британияда олиб боради.
Манбанинг хабарига кўра, Жошуани ҳаваскор пайтидан буён шуғуллантириб келган собиқ бош мураббийи Роберт Маккрекен эндиликда боксчи билан машғулот ўтамайди.
47 ёшли собиқ жаҳон чемпиони Роберт Гарсия аллақачон таниқли мураббийга айланиб улгурган. Роберт шу кунгача 14 нафар жаҳон чемпионини тайёрлаган: Маркос Майдана, Абнер Марес, Хосе Рамирес, Брэндон Риос, Майк Гарсиялар шулар жумласидандир.
Фикрлар