Усикнинг жамоадоши кейинги рақиб ким бўлиши мумкинлиги ҳақида гапирди

Менежернинг айтишича, Усикнинг кейинги рақиби бўлиш учун Мозес Итаума ва Фабио Уордли ўртасида жанг ташкил этиш керак.

"Биз ҳали [Паркер — Уордли] жанги натижасини Александр билан батафсил муҳокама қилмадик, лекин у ҳайратда қолмаган деб ўйлайман. Бу — бокс, ҳар нарса бўлиши мумкин. WBO томонидан белгиланган қоидалар бор: ё титулдан воз кечасиз, ё мажбурий ҳимоя жанги ўтказасиз. Бу ерда ҳеч қандай бошқа йўл йўқ.

Менинг шахсий фикрим шундай: Фабио билан Итаума WBO чемпиони унвони учун жанг қилса, жуда яхши бўларди. Бу томошабоп жанг бўлади ва ҳар иккиси учун ҳам “бокс бошлиғи” билан тўқнашув олдидан катта синов бўлади", — деди Лапин.