Усикнинг менежери Уайлдерга қарши жангнинг тахминий муддатини айтди

Украиналик боксчи 2026 йилнинг апрель ойи охири ёки май ойи бошида Уайлдерга қарши жангда рингга қайтишни режалаштирмоқда, деди 38 ёшли украиналик боксчининг менежери Эгис Климас. Унинг сўзларига кўра, Усик яна бир нечта жанг ўтказишни режалаштирмоқда.

"Биз Усикни Уайлдерга қарши жангда кўришимиз эҳтимоли катта, - деди Климас The National нашрига берган интервьюсида. - Биз ҳозир ушбу жанг устида ишлаяпмиз, шунингдек, Александр учун бир нечта жанг вариантлари ҳам бор. Келишув тасдиқлангач, жангни ташкиллаштиришга киришамиз. Ва биз аллақачон Уайлдер жамоаси билан баъзи масалаларни муҳокама қиляпмиз".

"Биз ушбу жангни апрель ойи охири ёки май ойи бошида Лас-Вегас ё Лос-Анжелесда ўтказишни режалаштиряпмиз, - дея қўшимча қилди Климас чемпионнинг навбатдаги жанги санаси ва жойи ҳақида. - Уайлдер - Александр ҳали рингда тўқнаш келмаган энг яхши номлардан бири. У ҳали ҳам яхши формада, ҳали ҳам чиқиш қилмоқда, шунинг учун бу қизиқарли жанг бўлади. Боз устига жанг АҚШда ўтказилса".