Усикнинг собиқ рақиби реванш жанги олдидан Жошуага маслаҳат берди

Британиялик спортчининг сўзларига кўра, Жошуа камарларни қайтариб олиш учун рингда тажовузкор бокс намойиш этиши керак.

"У Усикка кучли зарбалар бериши керак. Александр ҳар доим ринг бурчакларида жанг қилади ва Энтони унинг ҳаракатини тўхтатиш учун шунинг устида ишлаши лозим.

Бундай боксчини тўхтатишнинг ягона йўли бор. Унинг тирсагига, умуман ҳамма жойига кучли зарба бериши керак. Шундан кейин рақиб камроқ ҳаракат қила бошлайди", - дея Чисоранинг сўзларини келтиради DAZN.

Эслатиб ўтамиз, Усик - Жошуа реванш жанги 20 август куни Саудия Арабистонининг Жидда шаҳрида бўлиб ўтади.