12 фев 16:20
Янгиликлар
Бокс/ММА
Усман Чимаев билан эҳтимолий жанг ҳақида гапирди
Яримўрта вазн тоифасида амалдаги UFC чемпиони Камару Усман асли келиб чиқиши чеченистонлик бўлган швед жангчиси Хамзат Чимаев билан эҳтимолий жанг ҳақида гапирди.
"Бу ерга етиб келиш учун маълум босқичлардан ўтиш керак. Ҳозирча, Чимаев рақиблари билан яхши жанглар олиб бормоқда, у бу ерга етиб келиши биланоқ биз жангни муҳокама қиламиз. Мен вазнимдан қатъий назар, дунёнинг энг кучли жангчисиман, чемпионман ва сарой қиролиман. Ҳамма менинг бир қисмимни хоҳлайди, шундай экан, ҳаммаси жойида. Менга ҳаммаси ёқади.
Фаолиятимни энди бошлаганимда, рақибларимни жангга чақиришим қийин бўлар эди. Ҳозир мен юқоридаман, рақибларни чақиришим шарт эмас. Энди бу йигитлар менга етиб олишлари, кейин эса мени жангга чақиришлари керак. Етиб келишгач, мен уларни шу ерда кутаман", — дея Камару Усманнинг сўзларини келтиради BJ Penn.
Ҳавола :
Манба : MMA News
Фикрлар