Усман Канело билан жанг ҳақида: "Саулни ҳурмат қилмайман. Аммо, у энг зўрларидан бири"

Ўрта вазнда UFC чемпиони ва вазн тоифаларидан қатъи назар энг кучли UFC жангчиси Камару Усман боксдаги яримўрта вазнда мутлақ чемпион Сауль Альварес билан жанг ҳақида гапирди.

"Мен ҳар гал жанг қилгани чиққанимда ҳақиқий уруш бўлишини кутаман. Октагон ёки ринг фарки йўқ - менга уруш керак. Альварес ажойиб жангчи, аммо мен бу жангга ортиқча қизиқаётганим йўқ. Жанг ташкил қилинса бу яхши, бундай бўлмаса ҳам ҳеч нарса ўзгармайди. Саулни инсон сифатида ҳурмат қилмайман. Аммо, у ўз давридаги энг зўрларидан бири. Шу сабаб ҳам, мен унинг фаолиятига тасанно айта оламан.

Ўйлашимча, бизнинг жанг мухлисларга қизиқ бўлади. Ўз спортидаги энг кучли икки жангчи. Улардан қайси бири кучлироқ эканлигини аниқлаб олиш ажойиб бўларди. Гап пулда эмас, гап мотивацияда", - дейди Камару Усман.