Усман Нурмагомедовнинг рақиби, жанг санаси ва манзили маълум

Унга кўра, Bellator 283 турнири 23 июль куни АҚШнинг Вашингтон штати Такома шаҳрида бўлиб ўтади. Мағлубият ва муроса нималигини билмай келаётган Усман Нурмагомедов ҳам ушбу турнирда ўзининг навбатдаги жангини ўтказади. Усман шу куни америкалик Кристофер Гонсалесга қарши октагонга кўтарилади.

Маълумот учун, 24 ёшли Усман Нурмагомедов ММАдаги фаолияти давомида жами 14 та жанг ўтказган бўлиб, барчасида ғалабага эришган. Россиялик Bellator промоушенида 2020 йилнинг сентябрь ойида дебют қилганди. Ҳисобида 3 та ғалаба бор, 2 та жангда рақибларини муддатидан аввал таслим этган. Усман сўнгги жангини ўтган йилнинг октябрь ойида Bellator 269 турнири доирасида финляндиялик Патрик Пиетелуга қарши ўтказиб, рақибини биринчи раунднинг ўзида бўғиб қўйганди. 

Америкалик 30 ёшли Кристофер Гонсалес эса Bellator промоушенида 2019 йилнинг май ойидан бери жанг ўтказиб келади. Ҳисобида 6 ғалаба ва 1 мағлубият бор. Сўнгги жангини шу йилнинг январь ойида Bellator 273 турнирида ватандоши Саад Авадга қарши ўтказиб, нокаут эвазига ғалаба қозонган эди.