01 июн 14:24
Янгиликлар

Спорт курашлари

UWW вице-президенти вафот этди

Узоқ давом этган оғир ҳасталикдан сўнг Бирлашган кураш дунёси (UWW) вице-президенти, UWW-Europe қўмитаси раиси Цено Ценов 80 ёшида ҳаётдан кўз юмди.

Цено Ценов 1978 йилдан то шу кунгача Европа халқаро кураш иттифоқи бюроси аъзоси эди. 1995 йилда Иттифоқ қўмитаси раҳбари этиб тайинланганди. 2002 йили Халқаро кураш федерацияси бюроси аъзоси ва шу билан бирга UWW вице-президенти бўлди.

Бундан ташқари Ценов узоқ йиллар давомида Болгария кураш федерацияси бош котиби, вице-президенти ҳамда президенти лавозимларида ишлаган.