Вадим Немков оғир вазн тоифасида PFL чемпионлиги учун октагонга чиқади

У 13 декабрь куни Франциянинг Лион шаҳрида ташкил этиладиган PFL турнирида бразилиялик Хенан Феррейрага қарши октагонга чиқади. Ушбу жанг ғолиби оғир вазн тоифасида Лига чемпиони деб эълон қилинади.

Ташкилот вакиллари оқшомнинг асосий воқейлигидан ташқари co-main event тўқнашуви - ярим енгил вазн тоифасида аёллар чемпионлиги учун бразилиялик Крис "Kiborg" Жустино ва Австралия вакиласи Сара Коллинс ўртасидаги жангни ҳам расман эълон қилишди.

Яримоғир вазн тоифасида собиқ Bellator чемпиони Вадим Немков шу кунгача PFLда оғир вазн тоифасида иккита жанг ўтказиб, иккинчи раундда Бруно Каппелоззани техник нокаутга учратди, Тимоти Жонсонни эса биринчи раундда ортидан бўғиб қўйди.

Хенан Феррейра эса 2023 йилда PFL Гран-Приси ғолиби бўлди. Турнирнинг финал жангида Денис Голцовни нокаутга учратди. Шундан сўнг Райан Бейдерни техник нокаут эвазига енгди, Фрэнсис Нганнуга эса нокаут билан ютқазди.