31 июл 10:52
Янгиликлар

Бокс/ММА

Вальтер Уокер ўзи жанг қилишни истаган беш нафар рақибни айтди

Ўтган ҳафта кетма-кет бешинчи муддатидан аввалги ғалабасини қўлга киритган Богдан Гусковнинг жамоадоши Вальтер Уокер ўз мухлисларига навбатдаги рақиби ким бўлиши кераклигини танлашни таклиф қилди.

"Мен октябрь ёки ноябрь ойида ушбу йигитлардан бири билан жанг қилишим керак. Нима деб ўйлайсизлар? Менга адреналин керак. 1) Деррик Льюис. 2) Кёртис Блейдс. 3) Анте Делия. 4) Сергей Спивак. 5) Витор Петрино", — деб ёзди бразилиялик оғир вазнли жангчи ижтимоий тармоқдаги саҳифасида.

Абу-Дабидаги UFC Fight Night 282 турнирида Томас Питерсенни биринчи раунддаёқ оёққа оғритувчи усул билан таслим этган Уокер ташкилотнинг оғир вазн тоифасидаги мета-рейтинги ва медиа-рейтингида уч поғонага кўтарилиб, мос равишда саккизинчи ва ўнинчи ўринларни эгаллади.

Дунёнинг энг кучли лигаси октябрь ойида иккита рақамли турнир ўтказишни режалаштирган: UFC 332 ва UFC 333. Улар мос равишда 3 октябрь куни Солт-Лейк-Сити ва 24 октябрь куни Абу-Дабида бўлиб ўтади. Ноябрь ойида эса ташкилот Нью-Йоркда анъанавий йиллик турнирини ўтказади.

Маълумот учун, октябрь ойидаги биринчи рақамли турнирда Вальтер Уокернинг акаси Жонни Уокер ташкилотнинг оғир вазн тоифасида дебют қилади ва британиялик Мик Паркинга қарши жанг ўтказади.