Василий Ломаченко Коммига қарши жанг ҳақида нималар деди?

Madison Square Garden аренасида ўтказиладиган бокс оқшоми Американинг машҳур TopRank промоутерлик компанияси томонидан ташкил этилмоқда. Марказий жанг украиналик собиқ жаҳон чемпиони Василий Ломаченко ҳамда Ричард Комми ўртасида ўтказилади. 

Икки боксчи эртанги жанг олдидан расмий матбуот анжумани ҳамда кўз уриштириш маросимида ҳозир бўлишди. Ломаченко жанг ҳақида гапирар жкан, Madison Square Garden ўзи учун фаолиятидаги энг қадрли, эътиборга молик жой эканини урғулади.  

"Фаолиятимда эсда қоларли жанглар кўп бўлган. Эртанги жангим ҳам айнан шундай тоифадаги тўқнашувлардан бирига айланади. Жангни сабрсизлик билан кутяпман. Комми кучли жангчи, унда катта юрак бор. Ўйлайманки, биз эртага мухлисларга ажойиб бокс оқшомини ташкил қилиб берамиз", — деди Ломаченко.