Вазндан қатъий назар UFC`нинг энг кучли жангчилари рейтингида пешқадам ўзгарди + Жадвал

Янгиланган рейтингда пешқадам ўзгарганини кўриш мумкин. Ярим ўрта вазнда UFC чемпиони Камару Усман P4P рейтинги карвонбошисига айланди. Бунга оғир вазнда собиқ чемпион Жон Жонснинг яна бир бор полиция томонидан ҳибсга олингани сабаб бўлган. 

P4P рейтингида яна бир аҳамиятга молик ўзгариш бўлди. Ярим енгил вазнда амалдаги UFC чемпиони Александр Волкановски тўртинчи поғонадан учинчи ўринга кўтарилиб олди. Австралиялик чемпион якшанба тонгида Брайан Ортегани мағлубиятга учратган ҳолда камарини ҳимоя қилганди. Яна бир чемпион Исраэль Адесанья эса аксинча, учинчи ўриндан тўртинчи поғонага пастлади.

Эслатиб ўтамиз, Камару Усман навбатдаги чемпионлик ҳимоя жангини 6 ноябрь куни Нью-Йоркда ўтказади. Нигериялик жангчининг UFC 268 турниридаги рақиби Колби Ковингтон бўлади. Усман Ковингтонга реванш олиш имкониятини тақдим этмоқда.