12 янв 09:08
Янгиликлар

Теннис

Вероника Кудерметова Свитолинани мусобақадан чиқариб юборди

БАА пойтахти Абу-Даби шаҳрида теннис бўйича мавсумнинг илк WTA турнири давом этмоқда.

Кутилмаганда дунёнинг бешинчи рақамли теннис маликаси Элина Свитолина чорак финал учрашувида мағлубиятга учради. Украиналик теннисчи рейтингнинг 46-поғонасидан жой олиб турган россиялик Вероника Кудерметовага ютқазиб қўйди.

Икки соату 33 дақиқа давом этган баҳсда Вера номдор рақибасидан 5/7, 6/3, 7/6(3) ҳисобларида устун келди. Вероника 11 та, Элина эса 4 та эйс зарбасини амалга оширган. Ўзаро учрашувларда Кудерметова олдинда бормоқда - 2:0. Энди у Abu Dhabi WTA Women's Tennis Open турнирининг 1/2 финалида яна бир украиналик теннисчи Марта Костюкка қарши кортга чиқади.