18 ноя 14:19
Янгиликлар
Бокс/ММА
Виржил Ортис: "Эннисми ёки бошқаси, билмайман, лекин аниқ февралда жанг қиламан"
Биринчи яримўрта вазнда америкалик Виржил Ортис (22-0, 21 КО) яримўрта вазнда IBF чемпиони Жейрон Эннис (32-0, 29 КО)га қарши эҳтимолий жанг ҳақида фикр билдирди.
"Ҳозирда музокаралар кетаётгани ҳақида ўқидим. Жангнинг февраль ойида ўтказилиш эҳтимоли юқори. Рақибим Эннис бўладими ёки бошқасими, билмайман, лекин февралда рингга чиқаман. Бу аниқ! Кимга қарши жанг бўлишини эса очиғи билмайман. Ким бўлишидан қатъи назар, жанг Ар-Риёдда ўтказилади", деди Ортис.
Аввалроқ, Виржилга Саудиядаги турнир доирасида ҳамюртимиз Исроил Мадримов рақиблик қилиши айтилган, бироқ унинг промоутери Оскар де ла Хойя Жейрон Эннис билан жанг қилиш истагини билдирганди.
Ортис сўнгги жангида Мадримовнинг бўлажак рақиби, украиналик Сергей Богачукдан устун келган.
Ҳавола :
Манба : Boxingnews
Фикрлар