Волейболчи талаба-қизлар ғолиблик учун беллашди

“Беш ташаббус” олимпиадаси доирасида ўтказилган беллашув қизғин ва муросасиз баҳсларга бой бўлди. Унда вилоятдаги олий таълим муассасаларининг волейболчи қизлари ўз маҳорат ва чаққонликларини намойиш этишди.  

Малакали ҳакамлар баҳолаб борган мусобақа якунида Термиз давлат педагогика институти жамоаси фахрли биринчи ўринни қўлга киритди. Иккинчи ўрин Термиз давлат университети ва учинчи ўрин Тошкент тиббиёт академияси Термиз филиали волейболчи қизларига насиб этди.  

Ғолиблар диплом ва эсдалик совғалари билан тақдирланди. Вилоятда талаба-ёшларнинг “Беш ташаббус” олимпиадаси бўйича беллашувлари давом этмоқда.