Волкановски Махачев - Маддалена жангига тахмин билдирди

Волк Маддаленанинг енгил вазндаги камарини вакант қолдириб ярим ўрта вазн тоифасига ўтган Исламнинг дебютини барбод қила олишига ишонмоқда.

"Жекни камситиб бўлмайди. У ҳақиқий ярим ўрта вазн тоифасидаги жангчи, Белал эса грепплер. Қаранг, у буни қандай уддалади. "Стойка"даги жангларда у ҳақиқий маҳлуқ. Ишончим комил, ўша жангдан кейин унинг тейкдаунларга қарши курашиш ва ҳимояланишга бўлган ишончи мутлақо янги босқичга кўтарилди.

Даҳшатли жанг кутяпман. Жек бўлажак жанг олдидан мен билан машғулот ўтказишига умид қиляпман. Албатта, нимадир ташкил қиламиз. Делла - бу қурол. Биламан, Ислам бу жангни енгил қабул қилмаяпти ва бу билан тўғри қилмоқда", - деди австралиялик Submission радиосига берган интервьюсида.

Куни кеча Делла Маддалена россиялик рақибини муддатидан олдин мағлубиятга учратиш ниятида эканини айтганди. Махачев билан икки марта октагонни бўлишган Волкановски ҳам бундай сценарийни истисно қилмаяпти.

"Жекнинг бокси ва прессинги ақл бовар қилмас даражада. У аниқ муддатидан олдин ғалаба қозониши мумкин. Ислам - зўр жангчи. Унинг ярим ўрта вазнга ўтиши дивизиондаги кўпчилик учун даҳшатли туш бўлди. Лекин фикримча, Маддалена кўпчилик ишонмаётган ишни амалга ошира олади", - дея қўшимча қилди ташкилотнинг ярим енгил вазн тоифасидаги амалдаги чемпиони.

Эслатиб ўтамиз, ярим ўрта вазн чемпионлиги учун Жек Делла Маддалена ва Ислам Махачев ўртасидаги жанг 15 ноябрь куни АҚШнинг Нью-Йорк шаҳрида ташкил этиладиган UFC 322 турнири доирасида бўлиб ўтади.