Волкановски Махачевнинг заиф томонлари борлигини исботлади. Аммо Хабибга ҳам бундай даражада қаршилик кўрсатишмаган

UFC 284 турнирида Ислам Махачев чемпионлик камарини ҳимоя қилди - қийин, аммо уддалади. У хавфли якунига қарамай, кўпроқ раундларда устунликка эришди.

Алекс Волкановски руҳий жиҳатдан ғалаба қозонди: икки карра чемпион бўлмади, лекин Махачевнинг заиф томонларини кўрсатиб берди.

Махачев Хабиб эмас - доминантлик етарли эмас. Волкановски Исламнинг доминатор имиджига путур етказди

Жанг олдидан Махачев ишончли фаворит эди - кўплаб букмекерлар унга 1,20-1,25 коэффитсиент беришган. Бу рақамларнинг сабаблари бор эди:

1. Волкановски янги вазнга кўтарилди, бу ҳар доим хавф туғдиради. Бу енгил вазн учун жуда кичик: Махачевдан 10 см пастроқ ва унчалик кучли эмас.

2. Ислам - UFC'да мутлақ доминантликни кўрсатган Хабибнинг издоши. У барча жангларда асосий фаворит эди ва фаолиятини якунлаганидан сўнг бу обрў Махачевга ўтди.

Волкановски кўрсатди: Махачев янги Хабиб эмас ва барча чемпионлар каби ҳимоясиз. Хабибнинг сири енгилмаслик ҳиссида. UFC'даги фаолияти давомида у бор-йўғи икки раундда мағлуб бўлди, дивизионни тозалаб чиқди ва ноль мағлубият билан кетди.

Махачев юлдуз эмас; Хабибдан мерос қолган доминатор образи унинг асосий хусусиятдир. Аммо Волкановски буни йўққа чиқарди

Волкановски Махачевнинг курашига дош бериб, нокдаун ҳолатига туширди ва юзини жароҳатлади.  Хабибда бундай даражадаги рақиб йўқ эди.

 Волкановский устидан қозонилган ғалаба Махачевни энг яхши UFC жангчисига айлантирди, аммо заиф томонларини кўрсатди. У ўзини ажойиб контр-панчер эканлигини такидлади, лекин у кутилганидан пастроқ даражани кўрсатди. Унинг фонида Волкановский:

• Унинг курашидан ҳимояланиш мумкинлигини кўрсатди. Бунда Хабибга ҳеч ким яқинлаша олмаган;

• Юзини жароҳатлади - гематома ҳосил бўлди, йиртилди. Хабибнинг юзида ҳеч қачон бундай жароҳатлар бўлмаган;

• Уни йиқитди ва партерда зарбалар берди. Махачев 2015 йилда нокаут билан мағлуб бўлган - бу ҳозир ҳам ҳақиқат;

• Чидамлироқ эди. Бешинчи раундда Махачев қутулиб қолди - Хабиб ҳеч қачон бундай ҳолатга тушиб қолмаган;

Махачев учун Хабиб билан солиштирилиш жуда катта босимдир. Нурмагомедов Волкановски даражасидаги жангчилар билан жанг қилмаганини ҳеч ким эсламайди. Конор, Порье, Гетжи грепплингги кучсиз жангчилар эди.

Волкановски деярли ҳеч қандай заиф томонлари йўқ ҳақиқий универсал жангчи. Енгил вазнда салбий томони гавда эди: у дивизион учун жуда кичик эканлигини тан олди. Лекин бу етакчилик ва устунлик қилиш учун етарли эди.

Сарвиноз Рахмонқулова таржимаси