Волкановски: "Топурия билан реванш катта воқелик бўлади. Иккимиз ҳам чемпионмиз"

"Мен Топурия енгил вазнда чемпионлик учун даъвогарлик қилиши мумкин деб ўйлагандим. Аммо унинг ярим енгил вазндаги чемпионлик камаридан бунчалик осонлик билан воз кечиши мени ҳайратга солди. Менимча, у камарни сақлаб қолишга уриниб кўради. Шу боис, у қилган иши учун фақатгина ҳурматга сазовор. 

Албатта, мен Топурия билан реванш ўтказишни хоҳлайман. Аммо, келинг, аввало унга енгил вазнда ўзини кўрсатиш имконини берайлик. Бу йигит 70 кг тоифасидаги камарни қўлга киритиш учун жиддий бел боғлаган. 

Менинг режам — чемпионликни қўлга киритиш. Агар Илия қайтиб, ярим енгил вазн камарини ҳам қўлга киритмоқчи бўлса, тасаввур қилинг — икковимиз ҳам чемпионмиз. Бундай ҳолатда реваншимиз йирик воқеликка айланиши мумкин”, — деди Волкановски.