Волков Жон Жонснинг оғир вазндаги келажаги ҳақида гапирди

"Уни омад кутаётгандек кўриняпти, яна ким билсин. Мисол учун Александр Густафссон, у яримоғир вазнда Жон Жонснинг рақобатчиси эди. Оғир вазнда эса у ўзини унчалик ҳам кўрсата олмади. Жон Жонс билан нима юз беришини фақат унинг жангларини кўриб фикр билдиришимиз мумкин. 

Унга титул жангини бериш адолатданми? Унинг обрўси, жанглари ва ўзига эътибор тортишидан келиб чиқсак, ха, адолатдан. UFCга бу жанг фойда олиб келади, ҳаммаси оддий. 

Спорт нуқтаи назаридан қарасак, йўқ. У титул жангигача бир неча босқичларни босиб ўтиши керак. Аммо, у жуда таниқли жангчи. Жуда кўп чемпионлик жанглари ўтказган. Умумий олиб қараса, унга чемпионлик жанги берилиши адолатдан", - деди Александр Волков.