Всеволод Шумков ўзбекистонликларга, жумладан, Абдумалик Халоковга ҳам мурожаат қилди (ВИДЕО)

"Барча бокс мухлисларига, айниқса Ўзбекистондагиларга мурожаат қилмоқчиман. Мен ўзбек халқига жуда ҳурмат билан қарайман, чунки у ерда мени қўллаб-қувватлайдиган кўплаб мухлисларим ва дўстларим бор. Менга Халоков билан реванш жанги таклиф қилинганида, иккиланмасдан рози бўлдим. Ҳатто рақибимнинг ватани - Тошкентда ҳам чемпионлигимни ҳимоя қилишга тайёрман. Ҳар қандай шароитда, ҳар қандай жойда - мен чиройли ва ажойиб боксни намойиш этишга тайёрман, ҳеч ким ғалабамга шубҳа қилмасин.

Афсуски, сиёсий сабабларга кўра, бизнинг жамоамиз Халоков олтин медални қўлга киритган Олимпиадада қатнашмади. Ҳозир эса Жаҳон чемпионатида жамоамиз иштирок этганида натижа бутунлай бошқача бўлишини исботладик. Абдумалик, кел, чиройли бокс намойиш этайлик. Жавобингни кутаман", деб айтиб ўтган Всеволод.