WBC чемпиони Дэвид Бенавидеснинг кейинги жанги эълон қилинди

У 2 май куни АҚШнинг Лас-Вегас шаҳрида биринчи оғир вазн тоифасида амалдаги WBA ва WBO йўналишлари чемпиони, мексикалик Хильберто Рамиресга қарши жанг қилади. Бу ҳақда Американинг нуфузли ESPN портали ўз манбаларига таяниб, хабар берди.

29 ёшли Бенавидес профессионал рингдаги дебютини 2013 йил 17 августда ўтказган. Унинг рекорди 31 та ғалабадан иборат бўлиб, улардан 25 таси нокаут билан якунланган. 34 яшар Рамирес ҳисобида эса 48 та ғалаба (30 KO) ва 1 та мағлубият бор.