12 фев 13:13
Янгиликлар

Бокс/ММА

WBC чемпиони Жермалл Чарло ҳибсга олинди

Америкалик жаҳон чемпиони Жермалл Чарло полиция томонидан ҳибсга олингани айтилмоқда.

Чарло ўрта ва биринчи ўрта вазн тоифаларида ўз жангларини ўтказиб келади ва ҳозирда амалдаги WBC чемпиони ҳисобланади. Хабарда айтилишича, Жермалл оила аъзоларининг бирига ҳужум қилган ва тан жароҳати етказган.

Агар Чарлонинг айби тасдиқланса, у 2 йилдан 10 йилгача бўлган муддатга озодликдан маҳрум этилади. Ҳозирда Жермалл ҳибсда ушлаб турилибди ва судгача 10 минг доллар гаров эвазига қўйиб юборилиши мумкин.

Жаҳон чемпиони билан бундай воқейлик биринчи марта содир бўлмаяпти. Ўтган йилнинг август ойида у Сан-Антониодаги кафеларнинг бирида официант қиз билан зиддиятга боргани учун полиция маҳкамасини "зиёрат" қилиб келганди.