WBC Усикни “таътилдаги чемпион” деб эълон қилди

Бу билан биринчи оғир вазн тоифасида WBC чемпионлик камари вакант, яъни эгасиз қолди. Биринчи оғир вазн тоифаси рейтингида биринчи ўринни эгаллаб турган россиялик Мурат Гассиев ҳам Усик каби супероғир вазнга ўтганлигини эълон қилган. 

Биринчи оғир вазнда WBC чемпионлик камари тақдири катта эҳтимол билан 15 июнь куни аниқланади. Шу куни Бутунжаҳон бокс суперсерияси (WBSS)нинг ярим финалида Юниэль Дортикос (рейтингдаги ўрни №3) ва Эндрю Табити (рейтингдаги ўрни №2) ўзаро тўқнаш келишади.

Агар украиналик Александр Усик қандайдир сабаб билан биринчи оғир вазн тоифасига қайтса, у ҳолда Champion in Recess мақоми унга ҳеч қандай саралашсиз WBC чемпионлик камари учун рингга чиқиш имкониятини беради.