10 авг 09:09
Янгиликлар

Бокс/ММА

WBC ва IBF йўналишлари чемпиони Россия боксчиларининг Олимпиададаги иштирокига баҳо берди

Профессионал бокснинг яримоғир вазн тоифасида WBC ва IBF чемпионлик камарлари соҳиби бўлиб турган Артур Бетербиев россиялик боксчиларнинг Токио-2020 Олимпиадасидаги иштирокига муносабат билдирди.

"Барча олимпиячи-боксчиларимизни табриклайман! Олимпиада медалларини қўлга киритган боксчиларимиз учун хурсандман. Альберт Батиргазиев, Муслим Гажимагомедов, Имам Хатаев, Андрей Замковой, Глеб Бакши ва Зенфира Магомедалиева — Сизлар Россия боксининг фахрисизлар! Ишончим комил, Россия бокс федерацияси томонидан кўрсатилаётган эътибор натижасида Париж Олимпиадасида яна ҳам юқори ўринларни эгаллайсиз", — дея ўзининг Инстаграм саҳифасида хабар қолдирган Бетербиев.

Маълумот учун, Россия бокс терма жамоаси Токио-2020 Олимпиадасида умумжамоа ҳисобида учинчи ўринни эгаллади. Россиялик боксчилар 1 та олтин, 1 та кумуш, 4 та бронза медалини қўлга киритишган.