04 июл 17:37
Янгиликлар

Бокс/ММА

WBSS: Прогрейс - Веласко жанги ғолиби турнир иштирокчисига айланади

Бутунжаҳон бокс суперсерияси (WBSS) ташкилотчилари иккинчи мавсум иштирокчиларини эълон қилишда давом этишяпти.

Жумладан, 14 июль куни биринчи ярим ўрта вазнда вақтинчалик WBC чемпионлик камари соҳиби Режис Прогрейс аргентиналик Хуан Хосе Веласкога қарши рингга кўтарилади. Ушбу жанг ғолиби WBSS турнирида қатнашиш ҳуқуқини қўлга киритади.

Шу кунгача Суперсериянинг ушбу вазн тоифасида 6 нафар иштирокчининг номига ойдинлик киритилган. Улардан чорак финалнинг иккита жуфтлиги ҳам аниқланган. WBA чемпиони Кирилл Релих расмий даъвогар россиялик Эдуард Трояновский билан тўқнаш келади.

Иккинчи чорак финал жуфтлигида эса Иван Баранчик ва Энтони Йигит ўзаро тўқнаш келишади. Бу жанг ғолиби биринчи ярим ўрта вазн тоифасида вакант бўлиб қолган IBF чемпионлик камари соҳибига айланади. WBC Silver чемпиони Жош Тейлор ҳам ушбу турнирдаги иштирокини тасдиқлаган.