17 авг 17:39
Янгиликлар

Теннис

Western & Southern Open. Мария Саккари бош совринни кўзлаяпти

Теглар : Western & Southern Open Мария Саккари

Грециялик теннис маликаси Мария Саккари Цинцинаттида ўтказилаётган WTA 1000 тоифасига кирувчи турнирнинг 1/8 финалига йўл олди.

Дунёнинг саккизинчи ракеткаси иккинчи даврада WTA рейтингининг 31-поғонасида бораётган руминиялик Сорана Кирстяни уч сет натижасига кўра қийинчилик билан мағлубиятга учратди - 2/6, 6/3, 7/5.

Бу Мариянинг ўзаро учрашувлардаги илк ғалабаси бўлди - 1:2. Аввалги икки баҳсда Кирстя зафар қучганди. Икки соат 20 дақиқа давом этган учрашувда Саккари 4, Кирстя 5 та эйс зарбасини амалга оширди. Брейклар сони иккала теннисчида ҳам бир хил бўлди - 4 тадан. Энди Саккари Western & Southern Open 1/8 финалида чехиялик Каролина Муховага қарши кортга чиқади.