01 июл 21:21
Янгиликлар

Теннис

Wimbledon. Каролина Плишкова ғалаба билан бошлади

Сайёрамизнинг учинчи ракеткаси Каролина Плишкова "Катта Дубулға" туркумига кирувчи Уимблдон турнирида муваффақиятли старт олди.

Чехиялик теннис маликаси WTA рейтингининг 101-поғонасидан жой олиб турган хитойлик Чжу Линга қарши кортга чиқди. Каролина 1 соату 22 дақиқа давом этган учрашувда 6/2, 7/6(4) ҳисобида зафар қучди.

Бу теннисчиларнинг ўзаро илк учрашуви эди. Энди 27 ёшли Плишкова "Уимблдон"нинг иккинчи даврасида словакиялик Анна Шмидловадан устун келган пуэрторикалик Моника Пюигга қарши баҳс олиб боради.