WТА 2022 йилнинг энг ёрқин рақобатлари рўйхатини эълон қилди

Биринчи ўрин польшалик Ига Свёнтек ҳамда беларуслик Арина Соболенкога насиб этди. Бу йил ҳисобидан теннисчилар ўзаро беш маротаба тўқнаш келишган. Беларуслик теннисчи дастлабки учта баҳсда бирор марта ҳам ғалаба қозона олмаган. Кейинчалик, АҚШ Очиқ чемпионатида уларнинг йўллари яна кесишди ва бу сафар ҳам Ига уч сетда рақибини мағлуб этишга муваффақ бўлди. WТА Финалидаги шиддатли курашда эса Соболенко ғалаба қозонди.

Иккинчи ўринни россиялик Вероника Кудерметова ва швейцариялик Белинда Бенчич банд этди. Бу мавсумда улар уч марта тўқнаш келишди ва икки бор ғалаба Белиндага насиб этди.

Энг ёрқин қарама-қаршиликлар орасида учинчи ўринни Соболенко ва эстониялик Кайя Канепи эгаллади. Бу йил улар икки марта "Катта Дубулға" турнирларида тўқнаш келишди. Австралия Очиқ чемпионатининг тўртинчи босқичида Канепи ҳал қилувчи тай-брекда устун келган бўлса, АҚШ Очиқ чемпионатида Арина икки сетда зафар қучган.