11 дек 18:04
Янгиликлар

Теннис

WTA Блинковани 2022 йилнинг энг кутилмаган чемпиони деб топди

WTA матбуот хизмати томонидан мавсум-2022 сарҳисоби давом эттирилмоқда.

Бу сафар ташкилот якунига етган мавсумдаги энг кутилмаган чемпионни аниқлади. Биринчи ўрин россиялик Анна Блинковага насиб этди. У Руминиянинг Клуж шаҳрида ўтказилган турнирда бош совринни қўлга киритган эди. Анна 2018 йил 19 ёшида жахоннинг Топ-100 рейтингида дебют қилганди. Кейинчалик бу рўйхатни тарк этди. Сўнгги икки йилда қийинчилик билан WTA турнирларининг асосий тўрига кирди.

Клужга у жаҳоннинг 138-ракеткаси сифатида келди. Асосий тўрга квалификация, яъни саралаш баҳслари орқали чиқди. Якунда фаолиятидаги илк WTA совринини қўлга киритиш баробарида яна Топ-100`таликка қайтди.