06 ноя 12:51
Янгиликлар

Теннис

WTA Finals. Ига Свёнтек рақибасига 3 та гейм берди

Сайёрамизнинг биринчи рақамли теннис маликаси Ига Свёнтек Якуний WTA турнирининг гуруҳ босқич учинчи тур учрашувида ҳам зафар қучди.

Польшалик теннисчи бу сафар WTA рейтингида 4-ўринни эгаллаб турган америкалик 18 ёшли Кори Гоффни 6/3, 6/0 ҳисобида мағлубиятга учратди. Теннисчиларнинг ўзаро бешинчи учрашувида ҳам Ига ғалаба қозонди.

Етмиш дақиқа давом этган баҳсда Свёнтек эйс зарбасини ижро эта олмади. Лекин 5 та брейк-пойнтни расмийлаштирди. Гоффда эйс зарбалар сони 4 тани ташкил этди. Свёнтек "Трэйси Остин" гуруҳи ғолиби сифатида 1/2 финалга йўл олди. Гофф эса 3 та мағлубият билан иштирокини якунлади.