02 ноя 09:33
Янгиликлар

Теннис

WTA Finals. Ига Свёнтек рақибасига учтагина гейм берди

Дунёнинг иккинчи рақамли теннис маликаси Ига Свёнтек Ар-Риёдда старт олган Якуний WTA турниридаги иштирокини ғалаба билан бошлади.

Польшалик теннисчи Штеффи Граф гуруҳининг илк учрашувида америкалик Мэдисон Кизни ортиқча қийинчиликсиз мағлубиятга учратди - 6/1, 6/2. Ига теннисчиларнинг ўзаро учрашувларида катта фарқ билан олдинда бормоқда - 6:2.

Олтмиш бир дақиқа давом этган баҳсда Свёнтек 2, Киз 1 та эйс зарбасини амалга оширди. Қўшхатолар америкаликда кўпроқ бўлди - 7 га 3. Брейклар бўйича устунлик табиийки, ғолиба томонида бўлди - 5 га 1. Бу ғалабадан кейин Свёнтек гуруҳда биринчи ўринга кўтарилиб олди.