WTA Finals. Қозоғистонлик теннис маликаси ғалаба билан бошлади

Дунё рейтингида кучли саккизталикда бораётган теннисчилар ўртасида кечаётган мусобақанинг гуруҳ босқич илк турида қозоғистонлик Елена Рибакина енгил ғалабага эришди. Дунёнинг олтинчи ракеткаси бўлиб турган Елена WTA рейтингида ўзидан икки поғона юқорида бораётган америкалик Аманда Анисимовадан устун келди - 6/3, 6/1.

Баҳс 58 дақиқагина давом этган. Бу теннис маликаларининг ўзаро ўтказган илк учрашуви бўлди. Рибакина 7, Анисимова 2 та эйс зарбасини амалга оширган. Қўшхатолар Амандада кўпроқ бўлди - 3 га 1. Брейклар бўйича эса Елена мутлақ устунликка эришди - 4 га 0. Бу ғалабадан кейин Рибакина Штеффи Граф гуруҳида иккинчи ўринни эгаллаб турибди.