30 окт 08:36
Янгиликлар

Теннис

WTA Finals. Қозоғистонлик теннис маликасида мағлубият

Хабар берганимиздек, Мексиканинг Канкун шаҳрида теннис бўйича WTA Якуний турнири бошланди.

Бироз кутилмаганда дунёнинг тўртинчи ракеткаси Елена Рибакина гуруҳ босқичининг илк учрашувида мағлубият аламини тотиб кўрди. Қозоғистонлик теннис маликаси WTA рейтингида бешинчи поғонада бораётган америкалик Жессика Пегулага 5/7, 2/6 ҳисобида ютқазиб қўйди.

Теннисчиларнинг ўзаро учрашувларидаги устунлик Жессика томонида - 3:1. Саксон тўрт дақиқа давом этган баҳсда Рибакина 5, Пегула 2 та эйс зарбасини амалга оширган. Брейклар Жессикада кўпроқ бўлди - 5 га 2.