WTA рейтинги. Биринчи ракеткамиз пастлади, Влада ҳам 52 ўрин қуйига "шўнғиди"

Янгиланган рейтингдаги теннис маликаларимиз сони 7 нафарни ташкил этмоқда. Уларнинг 2 нафари - Диана Яковлева ва Сабрина Олимжонова оз бўлса-да, 5 поғонага кўтарилди. Қолган теннисчиларимиз рейтингда пастлашди. Ўзбекистон фуқаролигини қабул қилган Мария Тимофеева 5 поғона пастлаб, 149-ўринни эгаллаб турибди. Унинг ҳисобида 513 WTA рейтинг очкоси бор. У ўтган ҳафтада илк даврадаёқ мағлубиятга учраши ортидан 6 очко йўқотди. Иккинчи ракеткамиз Влада Якшибарова ҳам бугун эълон қилинган рейтингда 3 очко йўқотиши натижасида 52 ўринга пастлади. Милана Масленкова 1, Дарья Шубина 5, Нигина Абдураимова 6 ўринга қуйига шўнғиди. 

Дунё теннисчилар Топ-10`талигида ҳеч қандай ўзгариш кузатилмади. Теннис маликалари ўтган ҳафтадаги ўз ўринларини сақлаб қолишди. Рейтингида ҳамон беларуслик Арина Соболенко пешқадамлик қилмоқда. Иккинчи ўриндан польшалик Ига Свёнтек жой олган. Кучли учликка америкалик Коко Гофф якун ясаган. 

WTA рейтинги. 3 ноябрь кунги ҳолат:

1 (1). Арина Соболенко (Беларусь) — 9870 очко.

2 (2). Ига Свёнтек (Польша) — 8195.

3 (3). Кори Гофф (АҚШ) — 6563.

4 (4). Аманда Анисимова (АҚШ) — 5887.

5 (5). Жессика Пегула (АҚШ) — 5183.

6 (6). Елена Рибакина (Қозоғистон) — 4350.

7 (7). Мэдисон Киз (АҚШ) — 4335.

8 (8). Жасмин Паолини (Италия) — 4325.

9 (9). Мирра Андреева (Россия) — 4319.

10 (10). Екатерина Александрова (Россия) — 3375...

Ўзбекистонлик теннисчиларнинг WTA рейтингидаги ўрни:

149 (144). Мария Тимофеева – 513

1034 (982). Влада Якшибарова – 18  

1184 (1183). Милана Масленкова – 11 

1274 (1269). Дарья Шубина – 8

1315 (1309). Нигина Абдураимова – 7  

1464 (1469). Диана Яковлева – 3

1464 (1469). Сабрина Олимжонова – 3