WTA рейтинги. Теннис маликаларимиздан бири 33 ўрин юқорилади, иккинчиси айнан шунча поғона пастлади

Янгиланган рейтингда ҳамон беларуслик Арина Соболенко катта фарқ билан пешқадамликни давом эттирмоқда. Америкаликлар Коко Гофф иккинчи, Жессика Пегула кучли учликдаги ўринларини сақлаб қолишди. Гофф "Ролан Гаррос" чемпионлиги эвазига очколарини кўпайтириб, карвонбоши Соболенкога бирмунча яқинлашиб олди. Хитойлик Чжэн Циньвэнь икки поғорага юқорилаб, Топ-5`га кирди.   

Ўзбекистоннинг биринчи ракеткаси Влада Якшибарова 4, иккинчи ракеткамиз Нигина Абдураимова эса 33 поғонага пастлади. Ҳар икки теннис маликамиз ўтган ҳафта Тошкентда ташкил этилган турнирда қатнашиб, иккинчи даврада рақибаларига ютқазиб қўйишганди. Учинчи рақамли теннисчимиз Милана Масленкова аксинча, 33 поғонага кўтарилиб олди. Сабрина Олимжонова ва Дарья Шубина бир хилда - 9 поғонага пастлашди. Тошкент турнирида 1/2 финалга етиб келган Шубинанинг очколар кейинги ҳафта рейтинги учун қўшилади ва табиийки, у яхшигина кўтарилади.  

WTA рейтинги. 9 июнь кунги ҳолат:

1 (1) Арина Соболенко (Беларусь) - 11 553 очко

2 (2) Коко Гофф (АҚШ) - 8 083

3 (3) Жессика Пегула (АҚШ) - 6 483

4 (4) Жасмине Паолини (Италия) - 4 805

5 (7) Чжэн Циньвэнь (Хитой) - 4 668

6 (6) Мирра Андреева (Россия) - 4 636

7 (5) Ига Свёнтек (Польша) - 4 618

8 (8) Мэдисон Киз (АҚШ) - 4 484

9 (10) Паула Бадоса (Испания) - 3 684

10 (9) Эмма Наварро (АҚШ) - 3 649

Ўзбекистонлик теннисчиларнинг WTA рейтингидаги ўрни:

892 (888). Влада Якшибарова – 27 

975 (942). Нигина Абдураимова – 20 (-2)  

1321 (1354). Милана Масленкова – 6 (+1)

1386 (1377). Сабрина Олимжонова – 4 

1411 (1402). Дарья Шубина – 3