12 дек 11:00
Янгиликлар

Теннис

WTA томонидан "Йил жуфтлиги" эълон қилинди

Халқаро аёллар теннис ассоциацияси (WTA) бир нечта номинация бўйича йилнинг энг яхшиларини аниқлади.

Жумладан, австралиялик Сторм Хантер ва бельгиялик Элизе Мертенс ҳамкорлиги 2023 йилги теннис мавсумининг энг яхши жуфтлиги деб топилди. Бу жуфтлик якунига етган мавсумда Рим ва Гвадалахарадаги WTA 1000 турнирларида бош совринни қўлга киритди. "Уимблдон" турнири финалига қадар етиб борди. Сторм айни пайтда жуфтлик рейтингида биринчи, Элизе эса иккинчи ўринни эгаллаб турибди.

Улардан ташқари йилнинг энг яхши жуфтлиги бўлиш учун америкаликлар Кори Гофф ва Жессика Пегула, чехияликлар Барбора Крейчикова ва Катержина Синякова, канадалик Габриэла Дабровски ва Янги Зеландия вакиласи Эрин Рутлиф, россиялик Вера Звонарёва ҳамда германиялик Лаура Зигемунд тандемлари даъвогарлик қилганди.