Wuhan Open. Арина Соболенко 1/4 финалда

Сайёрамизнинг иккинчи ракеткаси Арина Соболенко мусобақанинг чорак финал иштирокчисига айланди. Беларуслик теннис маликаси Wuhan Open учинчи даврасида иродали ғалабага эришди. Арина WTA рейтингида 35-ўринни эгаллаб турган қозоғистонлик Юлия Путинцевани уч сет натижасига кўра таслим этди - 1/6, 6/4, 6/0.

Теннисчиларнинг ўзаро учрашувларидаги ҳисоб 2:0 кўринишига келди. Икки соату уч дақиқа давом этган баҳсда Соболенко 4, Путинцева 2 та эйс зарбасини амалга оширган. Брейклар бўйича устунлик Арина томонида бўлди - 6 га 5! Энди амалдаги чемпион 1/4 финалда польшалик Магдалена Френхга қарши кортга чиқади.