19 май 07:31
Янгиликлар
Хабиб Нурмагомедов: Дуо қилинглар, отамнинг аҳволи жуда оғир
Шифокорлар ўткир нафас етишмовчилиги сабаб Абдулманап Нурмагомедовни сунъий нафас олиш мосламасига улаб қўйишганди. Хабиб кеча видео мурожаат қилиб, ҳақиқатан ҳам отасининг аҳволи жиддий эканлигини ошкор этди.
"Интернет тармоғида отам ҳақида кўп ёзишяпти. Шу боис ушбу мавзу бўйича фикримни баён этишни жоиз деб билдим. Отам ҳозир шифохонада. Аҳволи жуда оғир. Унда коронавирус инфекцияси аниқланди. Бир йил олдин юрагини операция қилдиргандик. Вирус айнан юракка таъсир ўтказди. Бунинг натижасида юракда такрорий жарроҳлик амалиёти ўтказилди. Яратгандан отамга шифо сўраймиз. Уни оиламиз бағрига қайтарсин. Отамнинг соғлиғига бефарқ бўлмаётган барчага раҳмат", - дея Инстаграм саҳифасида видео мурожаат қилган Хабиб.
Эслатиб ўтамиз, 57 ёшли Абдулманап Нурмагомедов 25 апрель ууни шамоллаш ташхиси билан Доғистондаги шифохоналарнинг бирига ётқизилганди. Аҳволи ёмонлашгач эса, 3 май куни Москвага олиб келинган эди.
Фикрлар