Хабиб Нурмагомедов Ислам Махачевнинг келажак режалари ҳақида гапирди

- Исламни олдинда нималар кутяпти?

- У ўрта вазнга ўтишни хоҳлаяпти, лекин у ерда Билол (Мухаммад) чемпион. У биз учун жуда яқин инсон. Биз унга қарши жанг қилмаймиз. Биз муносабатларни совринларга алмаштирмаймиз. Бизга буни таклиф қилаётганлар албатта, шу жиҳатларга эътибор беришмаяпти. 

Агар Маддалена чемпион бўлганида, Ислам у билан аллақачон жанг қилган бўларди. Менимча, UFC май ойида бўладиган турнирни кутаяпти. Билол у ерда Маддаленага қарши жанг қилади. Шахсан мен Билол ғалаба қозонишини истайман. Аммо агар Маддалена ғалаба қозонса, UFC Исламга у билан жанг таклиф қилиши мумкин.

- Агар шундай бўлса, Исламга чемпионлик жангини берадими, ёки аввал битта жанг қиладими?

- Менимча, тўғридан-тўғри титул учун жанг беради. Чунки UFC Исламнинг чемпионлик жангини истайди. Унинг UFC’даги ғалабали серияси энг узуни. Топурия 6–7 та жанг ўтказган бўлса, Исламда 16 ёки 17 та жанг бор. Улар Исламнинг 10 йиллик меҳнатига муносиб рақиб қўйишни хоҳлаяпти. Ислам эса бор-йўғини ўтган йили икки катта жанг ўтказган одамга қарши хавф остига қўймайди. У ҳам шундай йўлни босиб ўтсин", — деди Хабиб.