25 май 14:43
Янгиликлар
Бокс/ММА
Хабиб Нурмагомедов Махачевнинг бурчагида бўладими? Исламнинг ўзи жавоб берди
Енгил вазн тоифасида амалдаги UFC чемпиони Ислам Махачев ҳамда америкалик даъвогар Дастин Порьенинг жангига роппа-роса бир ҳафта қолди.
Айни пайтда Махачев чемпионлик ҳимоя жангига тайёргарликни давом эттирмоқда. Жанг куни унинг жамоадоши Хабиб Нурмагомедов секундант вазифасини бажарадими деган савол кўпчиликни қизиқтирмоқда. Исламнинг ўзи бу саволга жавоб берди.
"Балки. Келинг, ҳозирча бу мавзуни изоҳсиз қолдириб турайлик. Кўрамиз, ҳамма нарса бўлиши мумкин. Агар Хабиб менинг бурчагимда бўлса, ҳаммаси ўзгача бўлар эди", — дея Махаченинг сўзларини келтиради портал Sport24.
Эслатиб ўтамиз, Ислам Махачев учинчи чемпионлик ҳимоя жангини 1 июнь (бизда 2 июнь тонги) куни АҚШнинг Ньюарк шаҳрида ташкил этилаётган UFC 302 турнирида америкалик Дастин Порьега қарши ўтказади. Ислам 12 та ғалабали серия билан келмоқда.
Ҳавола :
Манба : championat.com
Фикрлар