15 мар 14:23
Янгиликлар

Бокс/ММА

Хабиб - Тони жанги Лас-Вегас ва Нью-Йоркда ўтказилмайди

UFC президенти Дана Уайт Хабиб Нурмагомедов ва Тони Фергюсон оқшоми учун янги жой излашга тушди.

Коронавирус хавфи сабаб Невада ва Нью-Йорк штати Атлетик комиссия ҳамда мэриялари штатда 500 киши тўпланадиган барча оммавий тадбирларни вақтинчалик тўхтатиш ҳақидаги қарори чиққан эди.

Табиийки, бунинг натижасида март ва апрель ойиларида ушбу штатларда ўтказиладиган UFC оқшомлари бекор бўлади. Дана Уайт яқин кунларда жангларнинг янги манзили учун иккита номзод шаҳарни эълон қилади.

Уайтнинг айтишича, Тони - Хабиб жангининг Лас-Вегас ва Нью-Йоркда ўтказилиши муҳокама ҳам қилинмаяпти. Айнан Лас-Вегас UFC 249 турнири учун захира варианти эди. Шу кунгача Нурмагомедов - Фергюсон жанги тўрт маротаба бекор қилинган эди.