Хабибнинг мураббийи Тошкентдаги матбуот анжумани ҳақида: Унинг тансоқчисидек кўриниб қолдим

Хабибнинг мураббийи Хавьер Мендес ўз инстаграмига Тошкентдаги матбуот анжуманидан расм юклаб, қуйидагича изоҳ ёзди:

"Мен Хабибга қараётганимда қачон менга ҳам савол беришар экан деб ўйлаётган эдим. Менимча, бу вазиятда унинг тансоқчисидек кўриниб қолдим".

Хабиб эса бу постни ўз сторисига жойлаб: "Нима бўлди мураббий?", - дея муносабат билдирди. 

Бу ҳолатни зийрак мухлислар ҳам пайқашган.

"Мен ҳам бутун интервьюни тушунмай томоша қилдим. Ҳеч нарсани тушунмадим ва зерикиб ҳудди сиздек аҳволга тушдим. Сизга савол беришганда эса кўзингиз қандай чақнаб кетганини кўриб, мен ҳам хурсанд бўлиб кетдим", - деб ёзди мухлислардан бири сурат остига.