Хабибулина жуфтлик баҳсларида финалга чиқди

Мусобақада иштирок этаётган теннисчимиз Альбина Хабибулина яккалик баҳсларида мағлуб бўлгани ҳақида хабар бердик.

Аммо, ҳамюртимиз жуфтлик баҳсларида ўз иштирокини давом эттирмоқда. Қирғизистонлик Ксения Палкина билан жуфтлик ҳосил қилган Альбина ярим финалда Ковал(Россия)/Росновска(Германия) тандемига қарши ўйин ўтказди ва 2:6, 7:5, 10:2 ҳисобларида ғалаба қозонди ва финалга йўл олди.

Энди улар бош мукофот учун Чернишова(Украина)/Якшибарова(Исроил) жуфтлигига қарши кортга чиқадилар.