26 июл 06:57
Янгиликлар

Бокс/ММА

Хамзат Чимаев 10 кун ичида икки вазнда ғалаба қозонди, бу UFC рекорди + ФОТО

Айни дақиқаларда Абу-Дабидаги "Жанглар ороли"да UFC Fight Island 3 турнири бўлиб ўтмоқда.

Асосий карднинг илк жанги ярим ўрта вазн тоифасида ўтказилиб, унда Швеция шарафини ҳимоя қилаётган асли чеченистонлик 26 ёшли Хамзат Чимаев британиялтик 25 ёшли рақиби Рис Маккига қарши октагонга кўтарилди.

Жанг бошланганидан 3 дақиқа 9 сония ўтиб рефери томонидан тўхтатилди. Чимаев Маккини техник нокаут эвазига мағлубиятга учратди. Хамзат 16 июль куни айнан шу октагонда ўзининг UFCдаги дебют жангини ўтказган ва Жон Филлипсдан устун келган эди. Бу UFC рекорди ҳисобланади. Унинг биринчи жанги ўрта вазнда ўтказилганди.